UNJUKEN (Adat KARO)

Istilah Batang, Unjuken, Bena Emas, Ulu Emas nge si sah secara adat Karo
Emas nge sebagai sambar gancih anak sireh (sereh) ku jabu kalak (bulangenna)

Kepercayan Karo kerna emas em logam mulia si mehergakal, ras la berubah bicara ija pe ingan ban/tamaken. Bagem relasina secara diberu sebagai simbol ras sambar gancih.
 

Emas enda lit
(1) Bena/Batangna,
(2) Lit Ulu (takal) ras
(3) Lit Ujungna. .

Ipersada sitelu enda gelarna unjuken.

Em nai ibereken man kerina kade-kade sebagai simbol diberu enggo reh/lawes kujabu kalak. Unjuken enda me i padalin gelarna tepet-tepet man kerina kuh sangkep nggeluh ras kerina arus daten. Ertina sebagai tanda bahwa enggo lit jelma sinanggung jawabi sekalak anak diberu - sireh/sereh ku jabu kalak. Sebalikna labo dilaki sireh/sereh kujabu kalak.

Kata "tukur" rehna lit 3 versi, eme :

(1) Toba, Simalungun, Angkola/Mandailing = Tuhor.
Sebab ikirana biaya anak diberu mulai kitik seh mbelin. "Adat Karo labo bage".

(2) Diberu tukur-tukur ningen enda terjadi ibas sada dilema, perjengilen ras siipeseri ras tukur barang siate-ate punana uga gia atena.
Oposisi: Adi i Seberaya; asal katakenndu "tukur" mis nge belaskenna kami anak kuta enda labo pernah erdaya jelma (transaksional) nina mis, labo kueteh adi kuta kena kerina teman.

(3) Perbahan emas sebagai simbol ganti diri mesera mbagikenca belakangen irubah alu benggol tah pe sen gelah serser kerina man kuh sangkep nggeluh, seri nge ras pertama labo lit ibas adat Karo silit eme beras piher, sebab beras ras piring nge nai ibahan sebagai luah , ertina beras piher eme, gelah piher pertendin sierjabu si 1+1= 1 sada arih, sada pengodak, seri penatap kusider bertengna, labo situnggkat galuhna.

Tulisen enda man embaren, kurang lebihna ikataken kami bujur melala