Tendeng | Tendang

Bagi tendeng enda lah kam rasa lalap, nerangi paksa gelap wari terus ku terang wari, gia tatapen tendeng e la meherga i mata, de kune nimpet lampu, tendeng e mbelin kal gunana, lanai kita cidadap, melcik nahe erjingkang ndalani kegeluhen.

Tendeng kegeluhen eme terang doni sila keri-kerin...

Bulang - Bulang

Keke cinder kam makekensa bulang-bulang e tanda kehamaten kap. Ikutindu gendangna, gejapkendu gegehndu arah perukurenndu perkeleng. Sebab ekin pendahin aron singuda erlajar perkeleng nggeluh....

De enggo pagi angkandu latihna muat simehuli, bas perjabunndu pagi em maka Kalimbubundu (Dibata ni Idahndu) ngampekensa kinihamaten e. 

KARO dalam FILOSOFI (Pedah-Pedah)

Adi kita kalak karo arus erkeleng ate erDibata, tengah rukur, pang rawin jemba, pang empo, pang nereh, adi getuk ateta kalak getuk lebe dagingta. Tawa pe ola tawasa. Tangis pe ola tangissa, adi ridi ibas lau malir, ula jului kalak ridi, adi tapin pancur, ermbuah lebe. ngerana ula metuda, ula mederngas, mbacar ras metami. mejingkat, ula murbit, ula metik-tik, meteh mela, meteh mehangke, meteh mereha nggeluh ermalu-malu ibas simehuli.

Adi mengga ate bagin kalak, bahan ajangta, mehamat man kalimbubu, metengget man senina, metami man anak beru, adi erlajang daramilah Bapa Nande metengget ras terbeluh, em asam gedang-gedang tinali dua tampukna. Lit nge pengadin-ngadin batu megulang. Adi mbiar mbalu tah baluken kalak, ola empo, kalak siugapa pe perlu tungkir, adi tawa kalak ikutken tawa, adi tangis kalak ikutken tangis, ngeluh enda lit nge pernangkeng-nangkengen lit nge pergincuah-ngincuahen.

Padanta ras Dibata si ndube labo terelukken. adi sidahi sada kerja, sitandailah man banta ise kita, anak beru, senina, ntah kalimbubu. Inganilah ibas jabunta, banci merawa tapi ola meringes banci rubat ibas jabu, tapi ula nusahi kalak. Sidungilah meter persoalen jabuta, sebelah rumah pe perlu betehen, meriahlah kal minter.

Mbue denga kal kiniteken pemena silenga ibelasken ijenda, sebab nininta kalak karo melala kal pemetehna simehuli man asam geluhta, erkiteken la sipelajari, piahna enggo melala bene, emakla labo tadingsa denga, mulai genduari narilah gia ulihi sipelajari gelah ula bene pemeteh ninita si melias

Gundaling Berastagi

Gundaling - Berastagi April 2015

Kampil Kehamaten

Kampil Kehamaten enda me dalan buka-buka babah ope mulai ngerana,ercakap ntah pe runggu. Isi kampil kehamaten eme "Belo Kuh man sidiberu ras Isap kuh ras mambokna man sidilaki"

Isap (bulung) ras belo kuh enda rehna ibas kosmologi lingkungenta em erite-kiteken cuaca (mbergeh). (Simak "Taneh Karo Simalem"), Damai, Makmur, Malem. Ibas simbergeh enda me reh pemeteh kalak Karo uga erbahan tambar/tawar ula mbergeh salah sada endam isap (dilaki), belo kuh (diberu), seh me jadi sada fitur budaya em sada cara encidahken kinihamaten man kuh sangkep nggeluh.

Pentarkal nininta sinoria sebab ibas belo siikuhi (belo, kapur, gamber, mbako, buah mayang) melalakal zat siberhubungen ras kesehaten. Belo e antibiotik, Kapur, gamber e lem usus, bau mulut, obat ipen, ras penetral asam lambung (simak: baja-erbaja) . Gia genduari enggo mbue pernanden lanai man belo perbahan lanai itehna kai gunana sebalikna (jijik). (Simak: Tambar ras Tawar Karo)

Contoh Video...

Pedah - Pedah Man Singuda-Nguda/Anak Perana

Ikataken man sekalak dilaki si enggo anak perana, ersura-sura erjabu, em kap enggo beluh erbahan ukat, erbahan sengkir, nggele (buluh), erban pantar/sapo kitik-kitik, engkalaki, ngeroka, nenggala, ikut aro si mbelin

Ikataken man anak sidiberu si enggo singuda-nguda si nggo banci erjabu em kap, nggo beluh nutu page, peribah (nutu page 2 kalak) / miari / ersigi, ngeremban (mbaba 2 entah 3 sekaligus) raga/ kuran, nimpa, mberkis, ngengkal, ikut aron si mbelin.

Enda man singuda-nguda ras anak perana si noria. Alu kata sideban, kerina dahin-dahin kesemalen Karo enggo ietehna sitik-sitik

Bagenda i zaman si nai, radu ras kita pegejabkenca nilai positifna

Cara Nggeluh Kalak KARO

Kegeluhen kita kalak KARO e, bas ketubuhenta ku doni enda enggo lit inganta peganci/panggungta (KALIMBUBU, SUKUT ras ANAKBERU) i tengah kegeluhenta.

Arah adat enda kita i ajari, uga kita nggeluh Jadi Dibata ni Idah (Kalimbubu), Sendalanen nggeluh (SUKUT), bagepe si ngelayani, ngelayasi (ANAK BERU). Jadi alu bage, enggo siteh uga nanamna kita i rajaken, uga nanamna kita sendalanen, ras uga nanamna kita erdahin guna ngelayani. Kerina kita pasti ngenanami sie.

Endam me caranta nggeluh nai-nari kalak KARO e beluh muat timbang tengahna ibas kerina sisi kegeluhenta.

Kata enda man embaren, kurang lebihna ula kita si sangkut-sangkut ukur.
Bujur ras mejuah-juah !!!

Runggu Adat Mbaba Belo Selambar

Enggo sue arih pekepar keluarga sidilaki ras sidiberu si atena njabuken bana. Itenahken me kade-kade nandangi pudun "Mbaba Belo Selambar"

Seh me wari pudun kerja mbaba belo selambar. Petungko-tungko me anak beru pekepar. Mbenai cakap, erbelas me anak beru sidilaki, yah ban be isap kena yah, kita lebe sitandan, kuga ngenda tuturta ndia, lah maka sibenai runggunta. 

Seh me enggo dat tutur anak beru singerana pekepar. Erbelas me anak beru sidilaki. Kuga, enggo banci dudurken kami kampil kehamaten? Erbelas kam man sukut, kalimbubu trus puang ni puang, mbegi-mbegi kam lebe nindu. 

Enda dudur kami 3 kampil kemahaten. Alokendu .... 

Siteruh enda sada contoh runggu adat "Mbaba Belo Selambar tingkatken ku Nganting Manuk"

Part #1

Ulang Tahun GBKP Klasis Berastagi

Ulang Tahun GBKP Klasis Berastagi
Jambur Serba Guna, Jln. Udara Berastagi
Dihadiri oleh Bupati KARO, Simehamat "Terkelin Brahmana"
MC Hiburan : Dogol & Merap Tarigan
Sabtu 04 April 2015

Bujur ras Mejuah - Juah !!!
 

 

Kami Reh Arah Pintun Mbelin

Kata belas runggu "KAMI REH ARAH PINTUN MBELIN"

Antusenna :
Enda semalna ibelasken adina si erjabu e muat impal, ngatakenca maka si reh e impalna kel. Sapna mbiar kari kita i cuba anak beru si ngerana biak si diberu Nggedang Njolor lalap la erkedungen perarihen e, tapi adina terbelas si bagena rupa maka segelah enggo ieteh anak beru si sereh maka si reh e emkap si njemak BPKB jabu si sereh, mindo STNK atena maka enggo banci iersak 'kereta' e

Landek KARO

Sejauh manusia tidak mendapatkan logika atas kehidupannya. Manusia pasti akan berfilosofi atas kehidupannya sendiri. Dari itu, segala kemampuan manusia berpikir atas kehidupannya, batasnya adalah IMAN

:: Landek KARO ::
Posisi kanan ke kiri memutar ertina, ise pe la banci deher adi lenga ertutur. (Siapa pun tidak boleh mendekat kalau belum tahu hubungan kekerabatan). Tak kenal maka tak sayang, bagitummm kira-kira bahasa gaulnya