- Adi si idah anakta tangis, ula sipaksa pesiniksa. Cubaken tuduhken perik si kabang ntah embun (awan) sibas langit ah segelah i nenna, je kari maka ia sinik. Perbahan psikologi jelma paksa tangis em paksa ia mungkuk ku taneh.
- Adi ateta anak-anakta ngadi ermain-main, ula kataken : "Mari nakku, enggo me ngadiken, ngadiken gundari!". Tapi persingeti man bana : "Main-mainna 5 menit nari yaaa". Je nari persingeti mulihi : "Dua menit nari yaaa". Je nari mulihi kataken men bana : "Enggo mari, enggo keri waktuna". Je nari ngadi ia main-main
- Adi kita bas keteremen sada ingan anak-anak, sekali gia gejek siakap ije, je nari sipersingeti ateta, kataken men bana : "O anak-anaku/agi-agingku.... ise simerhat mbegiken turi-turinku, angkat tan kena...". Salah sada bas keteremen anak-anak e lit nge singangkat tan, je nari kari ngikuti nge teman-teman ne, je kari maka enggo sinik ia kerina.
- Kataken man anak-anak ope denga ia tunduh : "Iyah tunduh anakku (turang ninina), pagi me kita ndahi inga Tuhan ku Gereja". Je kari maka perhatinna kempak Tuhan. Ula kataken : "Iyah nakku tunduh, pagi kam sekolah me ?" piah dungna tujunna lanai kempak Tuhan tapi kempak doni.
- Sialoken masa kitik anak-anakta, perbahan waktu anak-anak meterkal lewat. Kinibujuren ras sifat anak-anak, siekerina la ndekah, sie kerina dungna jadi inget-ingetenta. Ikutken anak-anak ermain-main, ikutlah tawa ras anak-anak, sijagar-jagaren lah kempak ia. Jadilah kita anak-anak paksa ras anak-anak, ajari ia alu cara meriah-riah janah jagar-jagar.
- Sempatken tadingken pendahinta, mateken TV/Radio ras sidebanna. Tah lit kalak nalipon / ertelek, kataken men si ertelpon e, "Ersentabi kal, adi labo perlusa, paksana kal aku ras anak-anak deh ...". Sie kerina labo kari ndabuhken ergadirinta/kehamatenta.
No comments:
Post a Comment