Ulang Tahun ke-79 nini Karo (Teneng br Surbakti)

Njujung ras Ercabinken Kehamaten

Bas acara ulang tahun si -79 ken (tubuh i Kuta Singa 21 April 1936), si i rayaken i Kelapa Gading Sport Center-Jakarta, nini karo (Teneng br Surbakti) ndehara Kuat Bangun (+)   asal Rimokayu nuriken sitik kerna kinigeluhenna. Perjumpanna nandangi Tambar Malem mergana i benai paksa ia radu erdahin ibas dunia kesehaten. Paksa sie Nini Karo radu-radu erdahin sebagai pegawai (perawat) i Rumah Sakit Kabanjahe. Em peraten dibata jadi erjumpaken Tambar Malem mergana.

Kerna Tambar Malem mergana paksa nggeluhna ia mejile bas "Penyuluhen", masa sie i tawarken negara enda me ia ku Philipina, Bangkok, ras piga-piga ingan sideban guna Studi Banding.

Sekitar tahun 1958 kami duana i pindahken i medan nari ku Rumah Sakit Kabanjahe, ije nari piga tahun erdalin i perlukan ka me Tambar Malem mergana khusus nangani laboratorium penyakit kulit i Lau Simomo. Seterusna perbahan paksa sie i perluken ka i Kuta Perbesi, pindah ka me kami ku kuta Perbesi sekitar tahun 60-an

I kuta Perbesi me Tambar Malem nadingken profesina jadi tenaga medis. Krina masalah puskesmas paksa sie i serahken men bangku, nina Nini Karo. Tambar malem mergana konsentrasi ibas pembarken berita simeriah i kuta Perbesi. Perbahan Tambar Malem ngejapken kerna berita simeriah e, ijem me ergiah-giah ukurna piah jadi me Gereja Runggun GBKP Perbesi seh paksa genduari.

Selamat Ulang Tahun Men Nini KARO (Teneng br Surbakti).