BENANG SITELU RUPA

Benang Sitelu Rupa em sebagai warna dasar bas kegeluhen Kalak Karo seh me ijadiken sada simbol sitergelar benang benalu tah pe benang sitelu rupa. Umumna igunaken sesuai ras karakter upacara bas adatta Kalak Karo.

Megara (matawari) em simbol panas, hangat, gairah, dareh, gegeh, kuat bertenaga ras sidebanna. 

Mbentar (cahaya) em simbol suci, bersih, ketuhanen, ras sidebanna.

Mbiring simbol taneh duka, raleng tendi ras sidebanna. 

Terkait masalah benang telu rupa salah sadana eme "tudung" ibas peradaten kalak karo, rupana maka banci sigermetken maka beda upacara beda warnana.

1. Perjabun, lit nge rupa mbentar, lit nge mbiring, cenderung ku megara em dabuhna ku semangat, napsu, gairah terlebih ibuktiken kehadiren sertali dilaki em fitur alat kelamin laki-laki dalam tiga dimensi, bage pe gambar belanga (alat kelamin wanita) bas tudung sidiberu seh maka bas toto kalimbubu nina; jumpa matawari (dilaki) ras bulan(diberu), tah pe jumpa sinangkih pinang (dilaki) ras sinutu cimpa (diberu) jumpa anak ipupus.
2. Kematen, kerina cenderung warna mbiring, jumpai taneh, warna taneh, jadi taneh, ceda ate perbahan simate jadi taneh , kurang teman arih. 
3. Upacara Suci, perumah begu, erpangir, ingan sakral biasana iban alu dagangen mentar (umum).

 Ibas tudung enda pe melala erbagena :

• Tudung sierjabu biasana 3 lapis (mentar, mbiring megara) janah arah datas lit itama ragi-ragina megara rupana 
• Tudung lolo, tudung sipake bas kalak mate warna mbiring (uis kapal), tah pe tudung singuda-nguda la mejile limpitna, 
• Tudung biasa, mungkin kampoh, kain panjang ras sidebanna

Secara substitusi labo banci/pantang adi ipertukarken tudung enda teluna bas sada upacara.

Sibare em sada penjelasen mengenai "Benang Telu Rupa" si lit kaitenna ras Tudung ibas adat ras kegeluhen kalak karo. Adi lit kurang lebihna sentabi kami ibahanndu komen man bahan pelajarenta krina, bujur

Sumber : Facebook Budaya Karo