Depenisi sederhana : "adat" e ipahami alu sederhana, A = ajar, D = dat, A = arah, T = tua-tua/nini-nininta... La ersurat, tapi siakun. Em ranat adat !
E maka adi ngerana kita kerna ranan adat, lit rusur i je tersinget kata "bagi semalna..." "Kesemalen = kebiasan"
Adi arah kenjulu i gelari NGELINGKAH. Kune si tumbuk erjabu enda rembang ngelingkah, lit kaka ntah turangna si tuan asa si erjabu, lenga erjabu, arus i pedalan utang ngelingkah, e me kap :
Man DILAKI: amak, bulang ras besi mersik (tumbuk lada) / Sekin
Man DIBERU: amak ras tudungna.
Langsung si erjabu duana ngendeskenca rikut kata ras totona gelah pedas jumpa ate ngena lako njabuken bana. Utang enda i pedalan ope denga i galari utang adat/nangkih-nangkih matawari.
Ngelakah rujukenna ku nahe, perbahanen. Ngelingkah uruten ; la sesuai uruten, aturen, biakna kin kakana lebe erjabu kepe sebalikna, ras lit hubungena ku pertendin. Nai cukup ketat pengertin muat impal em beru singumban baik bapa nande tah bulang tah nini. Muat impal endam hubungen tendi siseharusna ndai ia muatca (uruten) impalna e ke pe agina.
Seh asa genduari bage sibahan gia la muat impal alu kiniketen pegegehi ukur/tendi silanga erjabu gelah min pedas ka datna temanna, sirukat nakanna.
Secara simbolis:
Ngelakah rujukenna ku nahe, perbahanen. Ngelingkah uruten ; la sesuai uruten, aturen, biakna kin kakana lebe erjabu kepe sebalikna, ras lit hubungena ku pertendin. Nai cukup ketat pengertin muat impal em beru singumban baik bapa nande tah bulang tah nini. Muat impal endam hubungen tendi siseharusna ndai ia muatca (uruten) impalna e ke pe agina.
Seh asa genduari bage sibahan gia la muat impal alu kiniketen pegegehi ukur/tendi silanga erjabu gelah min pedas ka datna temanna, sirukat nakanna.
Secara simbolis:
Pertama, utang adat amak, sekin, uis. Tentu seri nge antusenna ras utang adat kalak sierjabu, em sebagai sambar ganjih impalna sierjabu siseharusna man bana kin aturna.
Peduaken,simbol persentabin tendi sierjabu man kakana gelah ola min lit sironggetna, mejilah perdalannen simanteki perjabun simbaru, lanai lit simorah-morah des peltep ketang ningen e, lanai erdua ukur tapi sada. Emaka ijawab singalo utang ngelihkah, nina, "serikal kap aku ras kam agiku, lanai bolit morah-morahku, pinta-pintandu nandangi kam duana tutuskal atendu manteki perjabun simbaru, janah aku pe totoken kena lampas jumpa ras impalta siateku ngena" nina abangna tah kakana man sierjabu.