Kiniguluten Bas Kiniliten

O Teman Simeteh Aku

Bujur ningku erpengendes man bandu
O Teman Silameteh Aku
Nungkunlah kam kerna Aku

Bas kinilalitenku
Ula bandu katandu Juru
Bas Kinilalitenku
Ula Aku Jurukendu

O Teman, Kutandai Ise man bangku
Bilangenku bagi sinitatapndu
O Teman, Kugejapken kerna liahku
Baban geluhku la bagi ukurku

La kutangisi kerna aku
La kumorahi kerna geluhku
Turiken adi lit ukurndu juru
Ula aku igedapkendu

Katandu la tuhu adi ibudikendu
Cakapndu merudu adi cikurakendu
Pilasi kai sibelaskendu
Ngeluh enda kuteh nge kai pe la tudu

O Teman, Kai Gunana cemburuindu
Adina aku rukat nge bas piringndu
O Teman, Kai Gunana igelutindu
Adina aku ninger² nge bas geluhndu

Lagunana Aku isubukindu
Adina atendu beneken aku
Lagunana Aku ijugulkendu
Amin kin gia Aku cinder i ture rumahndu

Ajarindu Aku, Ula Ijurukendu
Ajarindu Aku, Ula Dendamindu

Oleh : Justie Tarigan 10 September 2012