APA YANG KITA CIPTAKAN DI DUNIA HAYALAN (DIMENSI SUBJECT) AKAN TERWUJUD DI DUNIA NYATA (DIMENSI OBJECT)
Kehidupan zaman dahulu dan lebih spesifik lagi kebidupan manusia (kalak) KARO banyak bisa menyesuaikan diri dengan konsep pemikiran menciptakan segala hal dalam dua dimensi (subject & object) dalam kehidupannya.
Dimensi subject adalah dimensi dibatas normal manusia yang lebih jauh disebut dimensi bawah sadar manusia. Konsep ini adalah konsep kesinambungan berpikir yang dilakukan oleh orang karo dengan alam semesta untuk memberikan kemudahan segala hal dalam kehidupannya dalam dunia nyata (dimensi object).
Kegeluhen KALAK KARO adi sipegermetkan sigel-gelna labo terjeng beluh ngenca tapi PENTAR.
Ratusen mungkin ribuan tahun si enggo lewat kegeluhen KALAK KARO enggo ngalami peradapen si cukup mehuli, teridah nge maka arah krina bukti-bukti sejarah karo si hampir enggo punah menjadi bukti kepentaren peradapen kalak karo i masa silam.
Sada bukti eme kerna kiniliten RUMAH ADAT KARO si hampir punah, adi sipegermetken ras sigejapken, erbahan rumah adat karo enda labo kita perlu kita ngurkuri, cikurkur, ngerontasken erbahan metembuk deleng gelah erbahan tambang muat paku, besi beton, semen ras sidebanna. I datas taneh e pe la keri, la perlu paku, semen, batu, adi perlu kam batu enggo reh sinaruhkensa lau deleng nari seh ku tapinndu milihi kam, pating ras nali bekas unte-unte ngenca enggo pajek sada rumah, la kebiaren linur ras bajir.
Bagi nikuanken cakap tua-tua sinuria, "Adi nggeluh anakku kempu ninina erpalas bagi sukat sada ndapuren, erkite-kite dalan kulepar".
Kalak karo enggo leben erpengangkaen sope reh prinsip Bhinekka Tunggal Ika. Antusenna: sukat sendapuren, sadakin teridah adi doh-doh nari seri kange bagi sinatap rumah Adat Karo sadakin idah, tapi adi siori terbagasen lit kepe piga-piga jabu/keluarga, lit kepe palasna krina sukat ndai, ras sembuyak nge kepe prinsip kebhinekaan (BANYAK ENIK) dalam arti Indonesia, bahwa kita situhuna ENGGO LIT PALAS beda labo seri (sama) tapi memiliki SADA pandangan seri siicidahken alu istilah, bersatu, satu kesatuan, persatuan (arihta ersada, sada arih, persadaan) INDONESIA MERDEKA, irepresentasiken alu Musyawarah, gotong royong (runggu, aron, serayaan) ibas perbeben ngeluhta tetep wari. Alu bage maka siman kurkurenta, siman perayakenta, darementa, siman tepetenta em harmonisasi, labo CENDRUNG encakapken perbedaan (disharmonisasi), DABUHNA KU MORAH-MORAH (Prihatin).
Uganari me ninta nuri-nuri kupudi wari man anakta/kempunta adi labo terumban rumah adatta, lanai lit ingan nuan sukat (jadi pertapakan) ras buluh erndapuren-ndapuren sebab enggo kena rabi kal krina.
Enda me sada bukti kepentarenta kalak karo mulai zaman siadi nari. Mungkin kita harus erlajar ibas si e nari. Bali kita erbelas, RUMAH TINADINGEN E adalah rumah si la modern perbahan la ngikutken trend modern peradapen manusia pada umumna indoni enda. Perlu siantusi maka kerina hasil peradapen manusia e enggo pasti manusia nge erbahan perkembangenna sesuai ras berkembangna zaman. Arah pemikiren enda maka i ajak kita berpikir ngulihi, bahwa KALAK KARO masa si e pe enggo beluh erbahan planning (rencana), sistem organisasi baik peradaten bage pe pengembangen-pengembangen sideban kita kalak karo banci nge ngikuti perkembangen zaman tanpa harus i mobilisasi oleh budaya luar.
Pagit-pagit (Trites) igelari em nakan lembu dalam proses, inganna bas lambung lembu, kerbo, tah pe kambing, langa seh ku tuka gedang, adi icecap pagit kin nanamna sebab campuren bulung-bulung tah pe gagaten.
Igelari terites perbahan, ipereh ras iciresken (sekaligus) kin muat launa, janah labo ikut ras ampasna i tangger tapi launa saja ibuat, janah labo kotor (tai) lembu.
Kerina bulung-bulung tambar beltek ras kulit kayu cingkap, ingul, kulit pengkih; ipersada nge nanggersa janah igergeri ras tulan-tulan lembu, kerbo, tah kambing, kuling-kuling.
Test : Mbue pe pandu labo banci mesui beltek / sedak sebab antioksidanna sehkal tinggina (tambar beltek kin). Kerna jalan cerita terites enda: em kinigermeten kalak Karo man asuh-asuhenna, ras pe ulam-ulam kalak karo. Kerina dukut ipangani lembu ras sidebanna janah jarangkal mesui beltek lembu, kerbo tah pe kambing, sanga ia medem lalap cungengat/ngatngat gelah melengas gagaten ndai.
Rukur si empu lembu, cuba dage buat pagit-pagit bas lembu enda jadi tambar beltek atena, enca olahna tamana bulung-bulung ras kulit kayu (tambar beltek) tama na kulin-kuling ras tulan-tulan igergerina enca pan na entabeh nina janah malemka pinakit beltek perlembu ndai. Enda seri jalan cerita penemuan kina jadi tambar Malaria.
Catataten : nai mesera muat bengkau, emaka asal rulih siding tah dat perburu mis nge ibahan jadi beltu-beltu, kulitna ikerahken bas para tuhur jadi kuling-kuling. Adi lit lakon em ibahan gulen tah pe bengkau man, janah ibas rumah adat kerina nge beluh erbahan pagit-pagit/terites janah daten nge kerina si lit bas rumah adat e.
“Bagi kuda siitajurlah anak singuda Meter perkiamna la mbewat nahena La erpenandai ukur-labuh ngayaki sura-sura Kemalun di la maba luah ergan asa emas pirak suasa”
Nande beru Karo erpedah tangkas sorana Tendang datas tumba enggo urak pergarana Muniken isi pusuh si geneng bas mata Sontil i kusur ukur erbelas lanai ersora
Nono si sada i sapo ku dakep ateku tedeh I embus surdam sorana nangkih seh ku langit Tapi langit la nggit nuriken kerehena Angin mentas la lit melasken kata
Ibas
jaman si genduari, terlebih-lebih i bas Kerja Adat Perjabun /
Nereh-Empo, enggo me merari lit "Gendang Jepang" - Keyboard. I bas
"Kerja" e, enggo menda merari terselip "BUDAYA SUMBANG." Si empo ras si
sereh "numbang" lagu, si deban pe reh ka "numbang". Si rende laguna
sumbang, si perkeyboard pe sumbang. Sumbang..., sumbang..., sumbang...
Bena-benana "Gendang Jepang" - Keyboard e bengket ku bas kerja
nereh-empo i gelari sebage "gendang anak beru". Gelah ola akapna
mengelngelsa erkeras guna nikapken perpan guna si pepagi ibas mata
kerja. Kedungenna..., tambah ka si ngikuti. Ipelandek me kerina sangkep
nggeluh. Jenari, i pake ka "ngelegi beru.", e maka si terakhir i pake
guna "adu penganten" - penganten jadi pengamen dadaken...
Etimologi (asal
usul kata) permain= ingan ermain-main, jagar-jagar, adi ndehara em
ertina sinusun gajut, gajut (mirip bedahara), sirukat nakan= tugas i
rumah, kembrahen= diberu raja, ras seterusna. jadi
bagendam kite-kite ras antusenna, janah lit kerina inganna kata enda
kerina sesuai ingan, ruang ras waktu.
Adat palasna emekap pantangen
(tabu) nggeluh ibas kita karo, enda gelah harmonis (harmonisasi)
keluarga, nilai (value), lawanna emekap disharmonis (lanai siangkan)
emaka ipantangken.
Hukum adat : etnik sideban la patang bas kita
pantang uga kiite-kitena nindu tempa nungkun: banci kita erjagan-jagar,
main-main tapi renen inganna, ruang ras waktuna; ertina enggo me lit
nai sibagenda rupana maka ibahan peraturen secara adat ras lit hukumenna
perbahan lanai harmonis i bas sada jabu;
Psikologis : uga
penggejapenndu adi nikuanken isitilah sibagundari "jeruk makan jeruk" =
labo kita seri ras binatang e bedana maka iundangken/ iadatken; Realitas
genduari: uga adi siperkuanken mami, bengkila, permen, turangkunta dst:
em menyangkut estetika kita Karo lawan tidak beretika (la mehamat).
adi ipaksaken uga, labo dalih adi kam tahan kena cakap/ikuanken kalak ras seterusna.
Kerja
Cinder ilakoken i rumah ntah i kesain saja... Utang adat igalari,
tapi la man. Rikutken tegunna itepeti Sukut, igalarina utangna. Kenca si
e tedis minter ia mereken pedah man Sukut...rst, seh asa tumbuk kerina
tegun seh ku anak
beru.
Maka ikataken gelarna "Kerja Cinder" erkiteken gelar dahin e
"Kerja", erkiteken la lit gegeh Sukut e maka la man, minem ngenca, e
maka tangkel kata "Cinder" (ngenca dahinta...). E maka kedungenna
ikataken "Kerja Cinder"
Palasna nikuanken: "siksik lebe maka i tindes labo asal embusi/belasi saja"
Sentabi teman senina, enda man embarenta denga emekap palas ras kite-kite Aceng, Cian, ras Cikurak (ACC) sisada representasi PRESEPSI kalak Karo sisanga melas i tengah-tengah kegeluhenta genduari enda. Tentu setiap presepsi lit makna positif ras negatifna. Sidua enda banci sigejapken bas ukurta sekalak-sekalak.
Anceng (biasana berkaiten prilaku sekalak jelma)
Palasna (tabiat jelma), nikuanken bas babahna sugarangna, langa ia erbelas langa ate kalak nembeh, motongi ranan, pegebuken, nungkun tempa tapi ngadili/nguji , edenga ia reh mis ka erbahani la tehna turiturinna ras sidebanna.
Cian (biasana berkaiten kerna erta-erta)
Palasna (kiniliten, kinibeluhen, kininggiten ras seterusna), nikuanken bas silit e pe la tempa terakap.
Palasna (perngerana dempar): nikuanken: pangen ngerana asangken man (encakapken kalak). Sikap sibagenda rupana lit umumna bersifat negatif, gia lit kange sisi positifna misalna motivasi man jelma sideban, pegegehi ukur mis (engkai anak beluh, lit, merandal, meadat. Aku uga ?)
Test/Paramerter:
ANCENG
Anceng positif = Si ANU enggo ngeteh bahwa e amak kalimbubu mis kundulina padahal labo ia tegun kalimbubu. Maksudna erkanam-kanam, jagar-jagar la ate kalak nembeh.
Anceng negatif = Si ANU motongi cakap kalak padahal edenga ia reh, latehna kai persolen pe, jagar-jagar, kanam-kanam tapi nembeh ate kalak.
CIAN
Cian Positif = Si ANU nina," ih mejilekal tomat mu e ari nak, tah mehergakal motor me nak?" Bas ukur si ANU, "anak e pe banci mejile tomatna, merhergakal motorna, aku pe bagelah kubahan caran ! (positif membangun pribadi si ANU)
Cian Negatif = Si ANU nina,"tomat anak e nandangi i roundap (racuni) kange atena e, tah tama paku ban motor anake ras sidebanna (negatif membangun pribadi si ANU)
CIKURAK
Cikurak Positif = Si ANU percikurak, kalak kai pe cekurai, ndarami teman cikurak silalap piah mbue me temanna (suasana santai, erkanam-kanam)
Cikurak Negatif = ngeranai ngeca sekali pe la erdahin muat bagin bas dahin malah ngeloloi dahin kalak.
Fungsi Positif ACC secara umum = KANAM-KAM / JAGAR-JAGAR
1. MEHERGA si jadi MERGA e me pengelompoken kalak Karo rikutken garis keturunen tertentu. Lit 5 (lima) cabang keturunen, e me:
Karo-Karo,
Ginting,
Tarigan,
Perangin-angin,
Sembiring
Tep-tep cabang keturunen enda lit ka terpuk-terpukna. Kerina anak si dilaki lit mergana ras kerina anak si diberu lit beruna rikutken salah sada ibas merga si lima ndai.
Kalak karo enggo leben erpengangkaen sope reh prinsip Bhinekka Tunggal Ika. Antusenna: sukat sendapuren, sadakin teridah adi doh-doh nari seri kange bagi sinatap rumah Adat Karo sadakin idah, tapi adi siori terbagasen lit kepe piga-piga jabu/keluarga, lit kepe palasna krina sukat ndai, ras sembuyak nge kepe prinsip kebhinekaan (BANYAK ENIK) dalam arti Indonesia, bahwa kita situhuna ENGGO LIT PALAS beda labo seri (sama) tapi memiliki SADA pandangan seri siicidahken alu istilah, bersatu, satu kesatuan, persatuan (arihta ersada, sada arih, persadaan) INDONESIA MERDEKA, irepresentasiken alu Musyawarah, gotong royong (runggu, aron, serayaan) ibas perbeben ngeluhta tetep wari. Alu bage maka siman kurkurenta, siman perayakenta, darementa, siman tepetenta em harmonisasi, labo CENDRUNG encakapken perbedaan (disharmonisasi), DABUHNA KU MORAH-MORAH (Prihatin). 
Kerja
Cinder ilakoken i rumah ntah i kesain saja... Utang adat igalari,
tapi la man. Rikutken tegunna itepeti Sukut, igalarina utangna. Kenca si
e tedis minter ia mereken pedah man Sukut...rst, seh asa tumbuk kerina
tegun seh ku anak
beru.